Con pólvora e magnolias (1976)
é unha referencia obrigada na nosa lírica contemporánea. Unha certa
perspectiva temporal salienta cada vez máis a significación deste libro, que
marcou un fito, unha mudanza radical e necesaria na poesía galega dos últimos
anos. Amor e desamor, paixón pola vida e afirmación de vellos e inconmovibles
soños constitúen a base principal deste poemario renovador, intenso,
poderoso.
|
"Con pólvora e magnolias" é un poemario de Méndez Ferrín, publicado en 1976. A publicación deste libro, xunto con "Mesteres" de Arcadio López Casanova, supuxo un cambio de rumbo na lírica, opoñéndose á corrente monótona do socialrealismo. Destacou este libro pola mestura de temas combativos e sentimentais, De aí ven o seu nome.
ResponderEliminarO tema do paso do tempo vinculado á morte oponse ao tema do amor e do desamor. Trata outros temas como a decandencia e a revolución. O tema da tristura está presente ao longo de toda a obra.
Dende o meu punto de vista, a linguaxe do libro é moi complexa. Predomina o verso libre e a maioría dos poemas non están puntuados. Isto supuxo que a lectura do libro fose complicada para min, polo que non considero que sexa doado de ler.
Aínda que é un libro moi importante na historia da literatura galega, non me chamou moito a atención, probablemente por ser de difícil comprensión.